Cuma una spiscia fiurita
Nant’e rene di rancore,
Si entrata in la mio vita
Senza rimore ;
D’un’uchjata, d’un surisu
Hai berculatu le mio ore,
S’hè ficcatu u to visu
In lu mio core.

Ripigliu:
Una fata,
A le mio lapre secche
Cume un raggiu di mele,
Fata,
Fammi scopre le stelle…

S’era persa la mio strada,
Giràndule frà li monti,
La mio vita abbandunata
A l’orisonti ;
Ma d’un gestu hai riscaldatu
A brusta di a mio pazzia,
Avà sò chì u to fiatu
Hè magia.

Cume un nulu di farfalle
Sopr’à lu fiore chì s’apre,
Vogliu ripusà le mio ale
Nant’e to lapre ;
S’hè suminatu u mio ortu
Di e grane di l’avvè,
Aghju trovu u mio portu
Accant’à tè.

Altri canti cu A Lingua D’Inde Noi ##

• A Lingua D’Inde Noi
• Camperemu
• Canteraghju
• Donna
• Fulena Di Stelle
• Hè A Sola
• Hè Cascatu U Muru
• Ma Si Vivu
• Paglia Orba
• Resistenza