LYRIC / PARODDI / PARULLE / CANTI

Per rompe a Santa Pace
Di a notte di Natale
Dicembre avia sceltu
A prima ora vesperale
Di fà move à l’ispensata
Un funestu timpurale

Fraiu di tonu è timpesta
Ne sufria la cuntrata
Na la piana a camineddu
Da la neve accampata
C’era una banda di capre
À la morte cundannata

A spicciera u pastore
Corse ver di l’alta serra
Da le borghe risunava
U rughju di a fiumara
Quandu chjama lu destinu
Ùn c’hè froza chì u para

U duvere per la manu
U s’hà presu, l’hà purtatu
Fin’à la so bandarella,
Mezu à ella hè cascatu
Prima di francà la verga
À u puntu signalatu

U pastore si murria
À l’eternu si n’andava
A banda di e so capre
In chjerchju lu ricaldava
Nu la notte negra è bianca
A barca s’incaminava

Mezu à le so caprarelle
Si n’hè mortu un gran pastore
S’hè spentu quandu nascia
U bambinu redentore
Ci aghju vistu cum’un cennu Bis
D’una manu superiore

Bartulumeu Dolovici \ Ghjuvanfrancescu Bernardini
I Muvrini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.