LYRIC / PARODDI / PARULLE / CANTI

In cori mei’una fiamma
Brusgia tal’un focu ardenti
Una musa chì mi chjama
È riscalda la mè menti
D’una tarra lu destinu
M’inditeghja lu caminu

Omi di stinti è d’onori
Ch’anu datu la so vita
Pà sta tarra di valori
Di ferita sempri afflita
Sempri pront’à la diffesa
Trà passioni è offesa

Mà cuscenza si sveglierà
U cornu tornu hà da sunnà
Cumè Cirnesi tempi fà
Corsu l’avvena sarà

U ventu falla da l’altura
Cù un muscu di muredda
Impastatu di cultura
Di a nostra Cursichedda
È tramanda li vistichi
A mimoria di l’antichi

S’hè accesa una prighera
Chì cuntrat’a nostra storia
Di front’à la tarra intera
Di un populu la gloria
Cù la bandera a palesa
Trà passioni è offesa

Mà cuscenza si sveglierà
U cornu tornu hà da sunnà
Cumè Cirnesi tempi fà
Corsu l’avvena sarà

Martinu Squarcini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.