LYRIC / PARODDI / PARULLE / CANTI

Populu meiu ti scrivu una stella
Ch’ella spampilli in la to mente sacra
Quandi u sprunfondu inturbidisce u passu
Ch’ella ti dia a so luce infatata
Ch’ella ti porghji un raghju citadella
Pè custrui dumane, eiu ti scrivu una stella

Populu meiu ramenta ti la storia
Quandu l’eroi cantavanu à u to latu
Quandi u manu era quant’ellu hè l’oru
E chi una vita avia un prezzu altru
Eri piu poveru ma cusi fieru
E lu moru bandera da u ventu allisciatu
U purtavi in core, ti purtava fiatu, parolla era onore

O corsu sai hè lu fratellu accantu
Manda li un sguardu è spartite lu cantu

Rughja a timpesta di tanti ghjorni scuri
Vite arrubbate è po tante bucie
Falsi, omi indegni t’anu fattu sangue
Pulzendu l’esse cu e so parolle pie
Sola a catena di le voce addunite
Derà l’umtimu fronte à tutte ste pazzie

Populu hè tempu di riscrive u to nome
Spazza issu fume chi t’ acceca a lumera
Cun l’ ochji aperti impasta à core à core
Sodu cimentu à la terra chi spera
E cu a to lingua alzata pè fanale
Fa la issa strada, inventa l’ideale
E porta lu in pettu, ti purterà fiatu, è tantu rispetu

Vecu una luce more pianu pianu
Eppuru a teni a fiara citadella
Populu meiu seguita la a mio stella

Voce Ventu / Federicu Poggi


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.