LYRIC / PARODDI / PARULLE / CANTI

Marchjenu a voce spenta
Pianu pianu, passu straziatu
Strascinendu u so turmentu
A un bastone appicatu.

Si custruiscenu un mondu
N’duve mai viaghjonu
Pè carizzà una bionda
Chi mai sarrà la so canzona.

Sone u so urganettu
Cum’e di a vita una risata
E u so nome per un dettu
Mai ùn l’hanu stampatu.

U so lume hè trapanatu
Di marosule languidonie
U so signozzu maritatu
E la so notte vergogna.

Scrivenu i so spavecchji
Nantu a i muri culor’ spaventu
E parlenu di dulcezza
Senza ammintà u so pientu.

U giru di lu so mondu
Hè di passi intrappulati
Pè campà qualchi siconda
Una volta ind’è l’annata.

A so sperenza hè ingutuppata
Di un ragiu maraviglia
Mà u so capu ghjimbatu
Di e voce sà a sumiglia.

E vacanze so un viaghju
Dà u tighjale à u ballatoghju
Scoprenu ghjesgia e marcatu
Pè circassi un’ alloghju.

Piglienu fine senza gioia
L’anime età un ne sanu
E i so cori mimoria
Cù curagiu i portanu pianu.

Po finiscenu senza lume
Di mai fù a s’esistenza
Mà sottu à a terra in fume
Sempre ci hè a so prisenza


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.