LYRIC / PARODDI / PARULLE / CANTI

O tarra isula matre,
M’arrembu à u to scolgiu
Induv’e travu suchju
E l’amore ch’e cogliu
Hè mazzulu si speme
Di filetta è di muchju
Ch’e tengu forte in manu
O Tarra isula matre.

E s’andessu luntanu
O s’e vinissi à more
Partariamu inseme,
Perchè ti portu in core.

Vecu stantate arcane
Sicrete citadelle
E torre inariulate,
Eterne bardiane
E mute sintinelle
Di e stonde impastate
E di guerrre è di patti
O tarra isula matre.

O tarra isula matre
M’arrembu à la to storia
Da fà chi nimu smatti
A fiaccula mimoria

O tarra isula matre,
L’orizonte spalanchi,
Quandu sfrisgendu l’onde,
U primu ragiu vene
A tuccà e to sponde
E m’arrembu à l’avvene
Chi nasce à i to fianchi
O tarra isula matre.

Digià l’alba pettina
U to celu chi s’apre,
In un nominepatre
L’aria si culurisce…

Ma prima di smarisce,
Ti basgiarà e labre
U mio sonniu in pulvina.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.