LYRIC / PARODDI / PARULLE / CANTI

A campa chi l’eternu ùn si compie dumane
Chi eiu vogliu vede e custere landane
Quelle chi tantu notte mi fecenu vighjà
Oghje cù i mio ochji e vogliu accarizzà

Vogliu vede u sole quand’ellu avvia insù
E scopre ‘ssi paesi ch’ellu scalda di più
A rombu di calmane ‘ssi lochi ch’ellu frusta
Fendu a ghjente mora è a tarra di rusta

Vogjiu vede e stese di l’eterna cutrura
Ciuttammi in u silenziu, a pace cusi pura
Di ‘ssa notte chi campa un paghju di stagione
E dorme sunniendu un antru viaghjone

Eppo’ di l’oriente sapè ogni profume
Di e Meriche luntane vede splende u lume
Varcammi ogni mare, i calmi è i furiosi
Scopre d’ogni muntagna l’andati i petricosi

E mezu à ‘ssi viaghji chjode l’ochji una stonda
Arreghje di li ghjorni a corsa vagabonda
E vultà ind’è mè è beie à ‘sse surgente
Chi da sempre stancionu e sete di a mio ghjente

Chi tanti sogni scemi, chi tanti viaghjoni
I sicreti da scopre l’aghju qui à miglioli
Di ventu, di muntagna, di machja è di strado
Ognunu più lucente cà quelli di l’altro…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.