LYRIC / PARODDI / PARULLE / CANTI

Esse Bis
A l’alba scunnisciuta di li to primi sogni
Issu sbardu incuriusitu à l’entre di u mondu
U mondu sempre novu à ditt’i to bisogni
U celu à l’infinita u mare senza fondu.

Esse Bis
A l’ora benedetta di li to primi passi
L’inforcu senza fine chi tuttu hè da truvà
Esse la meraviglia è lu smeravigliassi
Mille sò le canzone è mille ai da cantà.

Esse Bis
L’amore chi ti cresce è stacca e to stonde
A terra chi ti porta nutrisce i to versi
A manera furiosa di stringhje ancu l’onde
Esse issa supranenza, i to penseri immersi.

Esse Bis
U filu di u tempu chi scrive e to cunfine
Imbucina a to vita à u ghjumellu più strettu
Esse la forza in tè chi ùn teme la fine
Matura lu to attu, infiara lu to dettu.

Esse Bis
U soffiu di u tempu chi copre u to sensu
Chi acceca a to lumera è cambia i to bisogni
In l’eterna maestrà d’esse di lu silenziu
Eppo lu mare immensu tracarcu di sogni.

Esse Bis


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.