LYRIC / PARODDI / PARULLE / CANTI

Contami l’ore
D’ogni furore
Di tempu fà
D’issi parenti
Chi si sò spenti Bis
E nimu sà …

Parlami pianu
Di ciò chi hè stranu
In l’omu mutu
Isse file stanche
D’abiti bianche Bis
Chi sò vistuti.

Dimmi a storia
Quand’ella sfoglia
U sò librone
Tutti li passi
E pò li chjassi Bis
D’una canzona.

Tandu li ghjorni
Di li frastorni
Di li piacè
Saranu frutti
Ch’ùn sò da tutti Bis
E sò da mè…

Contami l’ore
D’ogni furore
Di tempu fà
D’issi parenti
Chi si sò spenti Bis
E nimu sà … Quinte


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.