LYRIC / PARODDI / PARULLE / CANTI

Un omu chi vole inzuccarà
U mare di i nostri sperà

Ghjinnaghju era per finisce
E si n’andava à passi lenti
Versu d’altre ore più lisce
E d’altri ghjorni lucichenti

Cum’è s’è l’estate era natu
A risplende in cor d’inguernu
Cum’è s’ellu avessi appingatu
In celu, un luciore eternu

Un omu una voce
Era u so cantà
Cum’è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà

Ghjente addunita è serena
Ghjente à trecce in carrughju
Da rode marchjone è catena
Era di pace u so mughju

Cum’è s’è un raghju era natu
Mez’ à tamantu timpurale
Cum’è s’ellu avessi picciatu
In celu, un eternu fanale

Un omu una voce
Era u so cantà
Cum’è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà

Ma soca ùn ne po esiste
Chjarore à mezu à ‘ssa fumaccia
Chi si so scorse nere è triste
L’ore di ‘ssa dumenicaccia

Cum’è s’è u bughju era natu
Foscu è prufondu in cor di ghjornu
Cum’è s’ellu avessi appingatu
In celu, un eternu frastornu

Un omu una voce
Era u so cantà
Cum’è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.