LYRIC / PARODDI / PARULLE / CANTI

A core solu è spinsiratu
M’incaminava à passi d’asgiu
Senza pinsà ch’à u mio latu
A vita ci era à dammi un basgiu

Longu l’acque d’un fiumicellu
Ci viaghjava una zitella
Un sole natu in u mio celu
Si cunsumava à dimmi : « hè ella »

Si cunsumava à dimmi : « hè ella »

E d’un surrisu, una carezza
‘Ssu fiore fattu guivanotta
Per fammine dolce cavezza
U so core in u meiu ciotta

A core doppiu, innamurati
C’incaminemu à u piacè
Sunniendu abbracciacati
Chi a vita venghi à facci trè

E longu à u fiumicellu
Ci spunterà una viola
Un antru fiore cusi bellu
A esse a nostra figliola

A esse a nostra figliola

Vuleria centu ghitare
Da cantà a nostr’odissea
Divvi quantu vi tengu care
Quant’hè bella a vita meia

Quant’hè bella a vita meia

A l’ora di fammi ricordu
Mi n’andaraghju cù l’acellu
A fà sunà l’ultimu accordu
Cù dui soli in u mio celu

Cù dui soli in u mio celu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.