LYRIC / PARODDI / PARULLE / CANTI

Un ci hè più dii, servi o maestri
L’idea nostra per sempre l’hà sgassati
Un ghjornu o l’altru, pè laziu o forza
I so nemichi saranu calpighjati

Cusi s’aspittava a guerra
Senza mancu dumandà
Quale simu nant’à issa terra
Pè vulecci sterminà ?

Cosa valete, belle credenze
Quand’i puntelli so d’ingannu è staffile?
L’orgogliu scemu disse sintenze
Ch’appupulonu qualchi stranu curtile

D’esse degni è po felici
S’agguattava ancu a brama
Cum’è s’ella ci piacissi
Di ghjucà ‘ssu tristu drama

Puru smariti, odiu è cuntrasti
L’oru fangusu di chi cerca una gloria
Oghje spartimu, i stessi imabsti
Pè sente di ch’ella hè compia a storia

Quant’ella hè cruda a bucia
Chi di grazia un ci acceco
Dopu avè cambiatu via,
Ebbimu una altra prighjo

Avà sapemu ch’ella ùn ci hè stesa
Ch’ùn sia tocca da la malasorte
Hè ora di zifrà l’intesa
Chi sfundarà e nostre antiche porte

Pè campà pari e sfarenti
L’amore è a libertà
Un ci hè razza di putenti
S’omu sà sempre sunnià

Chjosu ùn hè quellu librone
Di a nostra umanità
Simu tutti l’architetti
Di un rinnovu di u sperà
Da u sperà, da u sperà
Nascera sta mossa universale
Da u sperà, da u sperà

Voce Ventu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.