LYRIC / PARODDI / PARULLE / CANTI

Principià vogliu
Di u m’amore la guerra
Cun tantu orgogliu
Mi t’ai lasciatu o cara
Or di tuttu què mi spogliu
Ben’ch’ella mi sia amara
Un mi pare d’esse degnu
Mancu più di vive in terra.

M’avie prumessu
Di tè m’era ingagiatu
Davanti à diu
Ghjuramentu prestatu
Prufittatu ai di mene
Quandu eru a lu suldatu
M’avia fundatu un palazzu
E l’aghju trovu spiantatu.

Tuttu spiantatu
E senza fundamenti
L’altri attendenti
S’eranu messi nentru
Eu ne girava à l’intornu
Cun orgogliu è gran’turmentu
Si stata cum’è Bazaine
Quand’ellu ordi tradimentu.

Cor’di pantera
Fiera più ch’è una tigra
Tu m’ai traditu
A mio sincera amica
E ch’eo ti veca vucane
Scalza spugliata è famita
Eppo ghjunghje à la mio porta
Cù l’abitu d’arimita.

Ti do ghjastemme
Diu ti dia scugnuri
E ch’eo ti veca
Per aria cum’è i nuli
Ch’è tù ùn trovi frutti in locu
Ne macerbi ne maturi
Avetti da succore eu
Videresti l’omi crudi.

Cor’di pantera
Tu ne serai in eternu
Ch’a lu mio core
Ficcatu ci ai un pernu
Eu sò cum’è banditi
Chi stanu fora l’inguernu
Sò cum’è li gren’suffrenti
Chi vanu à brusgià in infernu.

Qui chjodu u fogliu
Cun tristessa infinita
Tutta sperenza
Lu mio core hè sparita
Quella chi n’hè la cagione
Di nunda sia esaudita
Sianu lacrime è sangue
U restu di la to vita.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *