LYRIC / PARODDI / PARULLE / CANTI

Cità maiò da l’omi abbandunate
U sognu ind’è u fume
Di a giuventù scurdata
E le mode d’altro
Ch’occupanu i mumenti
Di i lasciati soli
A mezu à i turmenti.

Cità maiò di case accatastate
Sò chjose ind’è u cimentu
E stonde disgraziate
E l’uniche cunfine
Chi sò lettu è travagliu
Senza nisun’sperenza
Di vince’ssa battaglia.

Cità maiò di l’albe fumicose
Tante sfiere turmentu
Contanu l’ore chjose
E st’ultimu viaghju
Quallà ver’di u paese
U pientu siculare
Sottu à u stracciu tesu.

Cità maiò à l’usciu d’una storia
Aspettate gulose
L’omi senza memoria
A l’entre d’un età nova
Chi hè l’ultima fossa
Di a vita cummuna
Chi fù la nostra forza.

Cità maiò chi di sciagura site
Cità falze sperenze
Di negru culurite
Cità l’ultimu sguardu
Di l’anima tratechja
Vi sbaccarà u tonu
E struge a saetta.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *