LYRIC / PARODDI / PARULLE / CANTI
Quoi de plus beau qu’un amour déclaré et partagé ? Cette chanson est dédiée à tous ceux qui s’aiment et qui se le disent.
À stonde nuttulone mi vene’ssu bisognu
Di coglie à e to lapre quelli basgi dulciumi
Quelli frutti d’amore à i strani profumi
D’andà frà e fureste di i mondi di sognu
È corre versu tè cum’è corre u fiume
À carrizzà u mare è ballà cù e sciume
Mi mucanu’sse stonde chì sò viote di tè
Mi strappanu u core è mi brusgianu l’alma
È sunniegnu l’ora quandu in l’alba calma
Liata à a mio vita per u sempre sarè
È ch’à l’eternità in un stessu viaghju
Avaremu l’amore per solu paisaghju
Eppò ti chjinaraghju n’un lettu di bambace
Cù linzoli di seta cusgiti à tenerezza
Dolci cum’è un basgiu, cum’è una carezza
Per dà ti à rispirà u soffiu di a pace
È a billezza linda di i nostri accunsenti
S’abbracci silenziosi forti quante li venti…
Jean-Yves Acquaviva
Vitalba
No comments yet