LYRIC / PARODDI / PARULLE / CANTI

Era una bella zitella
Un fiore di giuventù
Lucia quant’una stella
E forse ancu di più

A so vita era un fiume
D’asgiu di risa è di ghjocu
Ma sottu à tantu dulciume
U so core era di focu

Brusgiata da l’ore,
I falzi piacè
Era pronta à more
Per l’ochji d’un rè
Ellu, ùn i vidia
L’ochji di a zitella
Lascendu à umbria
‘Ss’alma cusi bella

Era colma à tennerezza
Quant’ellu po esse un fiore
Ella, era tutta carezza
Ellu, ùn era chè furore

Eiu, à son di ghitara
Aghju dettu à ‘ssa zitella
Quantu a tinia cara
Quantu a vidia bella

E un bellu ghjornu
Chjappai a so manu
E senza ritornu
A purtai luntanu
U fior’di vaghjime
Ch’ùn volse u rè
A rombu di rime
U colsi per mè…

U fior’di vaghjime
Ch’ùn volse u rè
A rombu di rime
U colsi per mè…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *