LYRIC / PARODDI / PARULLE / CANTI
Schjaffu di ventu nantu a fronda
Trattu da stu mare prufondu
Hè a Balagna, c’hà un core a di
Cù a voce muta d’issu mondu.
Sò guai pari, dicenu i soi
Azzingati a listessi amori
Fermanu in celu e so parolle
E per i chjassi tanti fiori.
Ogni ventera si vole piglià
I so miraculi sbucciati,
E i ricordi da imaginà
Per i zitelli chi sò nati.
Alza u sguardu ver di Ghjunssani
C’hè una muntagna di neve
Sottu u Reginu chi di a funtana
In punt’à e case si vede.
Un sò iposte à u viaghjà
Chi ogni secretu si svene,
E tù chi voli sempre andà
Una strada sempre ti mena
Ogni ventera si vole piglià
I so miraculi sbucciati,
E i ricordi da imaginà
Per i zitelli chi sò nati.
Giramondu.
No comments yet