LYRIC / PARODDI / PARULLE / CANTI
T’aghju scontru longu a via
L’avvene in core furtunatu
Vulia discoglie e pene
A u nostru destinu azzingate.
Quasi l’averebbe spianatu
U monte altu di i inghjustizia
A core nudu è à mani stanche
Per un sole novu nantu a vita.
Francatu e cime è e borghe
In ste muntagnole girate
Per ogni casa ogni purtone
In i paisoli arrimbati.
Arrimbati…
E tutte l’ore di passione
I surrusi pieni arricati
In ogni pieve ogni rughjone
Sò lu to bastimentu alzatu.
Voghi mill’anni sta cuscenza
Senza mai avè più paure
Nè di gode ne di sperenza
S’elle sò corse e to primure.
Voli lascia à i figlioli
Più chè una terra tribbulata
Più chè u sole chi spampilla
Nant’à u desertu abbandunatu.
Abbandunatu
Giramondu.
No comments yet