LYRIC / PARODDI / PARULLE / CANTI

M’arricordu d’un locu profumatu
D’un mondu calmu di lume suminatu
D’un soffiu caldu, d’una voce dulcezza
Di l’ore sepiate, e stonde d’asgiatezza

E m’arricordu, m’era chjinatu
In l’arbicelle à u to latu
E l’ochji persi mezu à u celu
Eramu in ‘ssu pratu
Cum’hè quassù l’acellu

E ti vecu sbarsendu di vita
Mezu à a virdura di ‘ssa stesa fiurita
E i to capelli
A u ventu dati
E ‘ssi ghjorni belli
Sempre assuliati

M’arricordu d’una alba smisurata
D’un accunsentu, di tamanta abbracciata
Di u to surrisu cum’è un sole novu
E di ‘ssu calore ch’oghje ùn ritrovu

E m’arricordu t’avia basgiatu
A e to lapre m’era imprigiunatu
E u sguardu intintu di mille culori
Eramu in ‘ssu pratu
Cum’è so i tisori

Ma oghje, tù, si smarita
E solu ferma una ferita
E tu to ramentu
Datu à u ventu
E ‘ssi ghjorni beati
A celi nivulati
A celi nivulati

E ‘ssi ghjorni beati
A celi nivulati…

Smisurata
Abbracciata
Sole novu
Un ritrovu
Ti basgiatu
Imprigiunatu
Mille culori
I tisori


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.