LYRIC / PARODDI / PARULLE / CANTI
À l’ombra di a custera
Fiume Golu si lamenta
Fiume Golu insunnulitu
Chì ogni tantu si ramenta
Un orchestra di fucili
Discitatu l’hà di novu
Chì a polvera ragiona
Da Niolu a Ponte Novu
Penetrendu e vallate
Quandu l’ecu si sbucina
Trimà face i monti sacri
Quelli di Santa Regina
Prima face e verde ripe
Di Rustinu è Riscamone
È lu fiume fala in mare
Tasanendu ogni pentone
Chere or’chì lotte tremende
Scempieranu à Cursichella
Serà l’ultima angunia
O serà l’alba nuvella
Cirnu i to palatini
O sò tombi o sò impiccati
Ma per fà stu finimondu
Soca sò rissuscitati
Cusì parla Fiume Golu
Ch’ùn s’hè datu mai ragione
È c’ùn alza ormai a voce
C’à per fà st’implurazione
Parolle : Anton’Francescu Filippini
Musica : Stéphane Ancey
No comments yet