LYRIC / PARODDI / PARULLE / CANTI

Sentu dì chì ci hè qualcosa, piattu cum’è un un sicretu.

Oghje in caserna di Bastia si rende onore discretu

Ùn si sente nunda in carrughju, un vechju pienghje in u caffé

Deve avè qualchì ricordu, di u Centu Settanta Trè.

Eramu in tempi neri di e più feroce battaglie

Quantu funu i giuvanotti à cascà sott’e mitraglie

Paisani o citadini, Orsu Carlu o Dumè

Sott’à a listessa bandera di u Centu Settanta Trè.

Aiò zitelli hè più chè ora a libertà si ne spenghje

Ùn sintite i mughji fora, c’hè più d’una mamma chì pienghje

Ùn hè più tempu di dorme ma quellu di fassi valè

Noi figlioli di Cirnu, di u Centu Settanta Trè

O Signore s’è tù i vedi quassù in lu to paradisu

Ùn hè mai troppu tardi pè rende qualchì surisu

À l’eroi di a nostra terra, Orsu Carlu o Dumé

‘ssi zitelli morti in guerra, di u Centu Settanta Trè

Ognunu s’hè scappellatu è po anu fattu un discorsu

U più cortu chì si sia fattu, mancu una parolla di corsu

Mute eranu e vechje trombe, andati Carulu o Dumè

Ver’di e silenziose tombe di u Centu Settanta Trè

S’anu falatu a bandera, a s’anu piegata in trè

Un suldatu a s’hà purtata, cumu pudia sapè

Ch’in celu pienghjianu l’ombre di u Centu Settanta Trè

Ch’in celu pienghjianu l’ombre di u Centu Settanta Trè.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.