LYRIC / PARODDI / PARULLE / CANTI
Ti vene in core à l’ispensata
In la memoria inzuccherata
Cum’è una voce chi risponde
E quandu l’ora ti cunfonde
Ghje cum’è un abracciu chi s’apre
Chi s’appiccica à e to labbre
E dici o Mà,
E dici o Mà,
Po quandu a vita face male
Chi tuttu vene a tempurale
Ch’elle so stanche e to mane
Da ch’ellu hè duru u stentapane,
Quandu a sera in casa toia
Ti manca appinuccia di gioia,
Tù dici o Mà,
Tù dici o Mà,
Quand’è tu pensi à a to ghjente
Da qualchi locu di cuntinente
Che tù fideghji l’almanaccu
E manderie tuttu à baccu
Quandu più nimu stà à sente
E chi u rigrettu si po pente,
Tù dici o Mà,
Tù dici o Mà,
E quandu ella hè cuasi finita
Che tù trascini a to vita,
Ch’ellu ùn ci hè piu chè una porta
E ch’ella hè pè l’ultima volta
Circhendu à mai la so manu
T’arricumandi pianu pianu
Pè ch’ella senti da quassù,
Puru s’ela ùn risponde più
Tù dici o Mà,
Tù dici o Mà.
No comments yet