LYRIC / PARODDI / PARULLE / CANTI

Ti vecu la mio bandera
In lu fiore chi si spanna
Ogni stantara à u sole
Ogni chjoccu di campana
Si per me l’altu fanale
A mio strada a mio funtana

O la mio bandera
O la mio bandera

Ti vecu o la mio bandera
In ogni fiume chì corre
In lu s’abbracciu à lu mare
In a ghjama di l’albore
Si per mè a stella ardente
Guida di u m’esse in bullore

O la mio bandera
O la mio bandera

Ti vecu o la mio bandera
In ogni monte sculpitu
In ogni larice, ogni leccia
In ogni castagnu feritu
Si per mè a scorza ardita
Di l’arburu sempre arrittu

O la mio bandera
O la mio bandera

Ti vecu o la mio bandera
In lu pientu di lu celu
In la manu chì si porghje
In la risa di u zitellu
Si la mi’antica cullana
A moi brama, u mio ghjuvellu

O la mio bandera
O la mio bandera

Ti vecu o la mio bandera
In ogni figliolu natu
In lu volu di l’altagna
In l’agnellucciu à u pratu
Si per mè l’ultimu annellu
U moi granu, lu moi fiatu

O la mio bandera
O la mio bandera

Ti vecu o la mio bandera
In lu vechju campusantu
In u passu di a muvra
In a rima di u mio cantu
Si per mè l’eternu abbracciu
À issa terra ch’eo tengu tantu

O la mio bandera
O la mio bandera

O la mio bandera
O la mio bandera


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.