LYRIC / PARODDI / PARULLE / CANTI

Per tè, o terra marturiata
Da tante invasione
Sempre in lotta perpetuata,
Vogliu cantà le mio canzone ;
Tutta a to storia, di catene,
N’hè colma, eppò tantu spessu
U to populu era in pena,
Ma mai ùn era sottumessu.

Ripigliu:
Piglia volu l’acellu biancu di a pace
Messaggeru d’amore, è sperenza dinù,
L’alba spunta di tante sufrenze à fà tace,
L’alba spunta di tumbà tutte e schjavitù.
Ma vecu per dumane un celu di billezza,
E un sole d’argentu chì ci splenderà,
L’avvene liberu d’a stampa d’a tristezza
Appacerà la to bramma di libertà.

Per tè, o terra incrucciata
Trà mare è monti alti,
A viulenza s’hè callata
Mentre ‘ssi mille è mille assalti ;
Cantu in nome d’i to figlioli
Morti per un avvene novu,
Dipoi i tempi i più luntani,
Sin’à Niolu è Ponte Novu.

Per tè, o terra arradicata
A tanti ricordi cari
Oghje, quantunque, sì piattata
Daretu affissi pubblicitari ;
Ti ghjurcu amore è fiduccia,
Per un avvene senza viulenza,
In lu mio core un fiore sbuccia
Chì hà per nome fratellenza.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *