LYRIC / PARODDI / PARULLE / CANTI
In lu giardinu di a mio vita
I solchi sò suminati
Di cursezz’à l’infinita
Di ricord’à l’antenati
Terra Mea la to storia
Hè fatta spessu di gloria.
La mio mente vagabonda
In Cintu piglia partenza
E sculisce nant’a l’onda
D’un fiume di resistenza
Terra Mea sò guerrieru
Di lu to populu fieru.
Di li to lochi di valore
Certi ne volenu fà
Frà lu focu è l’oppressore
Diserti di puvertà
Terra Mea Terra Corsa
A to sorte femu nostra.
Terra Mea Terra nostra
Seremu sempr’à la mossa !
No comments yet