Aiò! tutti i fratelli chì hè ora
D’armà schjoppi è di cigne carchera,
Da lu monte à lu fiume à la serra
Chì lu cornu ripigli à sunà.

Sunate lu cornu
Ùn ci hè più riscattu
À populu fattu
Bisogna à marchjà.

In lu cornu risona la voce
Di Sampieru è di l’altri guerrieri
Chì per vive liberi è fieri
O per more, curagiu ci dà.

Aiò ! tutti ! fratelli chì hè l’ora
Di cessà frà noi altri ste lite,
Ci emu fattu abbastanza ferite,
N’anu risu abbastanza culà.

Stintinati ci semu abbastanza
À l’azzizzu d’un vile nimicu,
Tocca ad elli per ghjustu casticu
À purtanne lu dolu è trimà.

Aiò ! tutti ! fratelli chì hè l’ora
Di stirpà sta razza maladetta
Grida in celu, per noi vindetta
Tantu sangue è tanta infedeltà.

Ùn vidite ste donne ammantate ?
Ùn sentite di Boziu lu Vechju,
Anu fattu di Cirnu un spavechju
Cirnu, d’elli, un spavechju ferà.

Tutti sottu à a cara bandera
Bianca, ornata di la testa Mora,
Aiò Corsi chì sunata hè l’ora,
Di l’antica nostra libertà

Altri canti cu Libertà ##

• A Palatina

Scantariza