LYRIC / PARODDI / PARULLE / CANTI

Cette bataille fut celle des hommes de la terre d’Ecosse, emmenés par William Wallace, contre la tyrannie du roi d’Angleterre. Elle eut lieu en 1297 et vit la victoire d’une poignée d’hommes face à l’armée la plus puissante de l’époque.

U sole brusgia à l’orizonte
À dolci raghji scalda e fronte
In a campia u ventu voca
È d’ogni silenziu si ghjoca
Quassù à nant’à e culline
U core pienu quasi à schiattà
L’omi sò pronti à ghjunghje à fine
Da difende a so libertà

Incù a forza immensa d’una mossa cumuna
Per mughjà à l’inglese chì’ssa tarra ùn s’affuna
È chì regnanu quì u sole cù a luna
È chì regnanu quì u sole cù a luna

U sole luce à u celente
Pianu, pianu infrebba e mente
In a campia u ventu voca
È ogni silenziu s’alloca
È a battaglia si scatena
Si tomba per ùn esse tombu
U farru contru à u farru mena
Sin’à cunfonde voce è ribombu

Incù a forza immensa d’una mossa cumuna
Per mughjà à l’inglese chì’ssa tarra ùn s’affuna
È chì regnanu quì u sole cù a luna
È chì regnanu quì u sole cù a luna

U sole more à l’orizonte
Si piatta daretu à u monte
U ventu alliscia a campia
A nebbia s’hè fatta pisia
Solu per rompe u silenziu
È dà fiatu à a mio musa
Cum’è un ultimu licenziu
Si lagna una caramusa

Dumane un sole à l’orizonte
Brusgiarà da scaldà e fronte
In a campia assirinata
Ci vucarà ogni vintata
Diceranu voce è ribombu
Adduniti à l’eternità
Perchè tumbà o esse tombu
Da difende a so libertà ?

Incù a forza immensa d’una mossa cumuna
Per mughjà à l’inglese chì’ssa tarra ùn s’affuna
È chì regnanu quì u sole cù a luna
È chì regnanu quì u sole cù a luna


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *