LYRIC / PARODDI / PARULLE / CANTI
I so versi sò zitelli
Chi correnu acelli
In li chjassi.
In un sognu d’armunia
Macineghjanu a magia
Di so passi.
È so voce sò staffile
Chi chjoccanu allegrie
In li venti.
A la notte bughjicosa
Facenu trimà l’ascosa
À lumi spenti.
In la salla chì si tace
Corre un soffiu di pace
E canzone.
A noi tutti sò offerte
Dà quelli chì volenu sparte
L’emuzione.
Elli sò tanti guerrieri
Di a lingua è sò fieri
Di e rime.
Quand’ella sciappitteghja
O ch’ella spampiluleghja
A l’infine.
A l’omu chì s’ammulisce,
A u populu chì si dice
Senza avvene.
Ricordanu a sperenza
D’una terra fratellenza,
À vene.
Cantanu a nazione
In core imaginazione,
Mai in vanu.
Sò scrittori di a storia
Mà senza sete di gloria
Di l’umanu.
A puesia ùn hà sensu
Chì girà cum’è lu ventu
Sempr’in tondu.
In una sola canzona
Sò e mille rivuluzione
Di u mondu.
No comments yet