LYRIC / PARODDI / PARULLE / CANTI

Si pesa u sciroccu da l’Oriente inzuccheratu
E scimiscenu l’adori da l’urbe à e marine
Melarance è sanguine frutti è suleoni.

Ventu di u meziornu salvaticu è infiaratu
Accarezza è fraia e culline tranquille
E la fiaccula gialla à la notte s’incrochja.

Aria impiumbata essenze di morta
Trizineghja l’isula sopra u mare d’oliu
E si pianta a vita cum’è una fiura.

Zittu sin’avà l’alivu di a piazzetta
Ci ghjoca a musica di a rinfriscata
E l’onda di u sognu ci porta pianu pianu.

U trattu prufumatu di citrunella d’oru
Ci ramenta paesi à e strane sumiglie
In un abbracciu turchinu s’addunisce l’Atlantide.

Tandu si a natura i so guai smintica
E rinvivisce tuttu l’antichi nemighi
Di pettu à u ventu a luntaneranu
Quell’ochjata murtale.

M.D. Prosperi \ Paulu Felice Nasica
Chjami Aghjalesi.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.