LYRIC / PARODDI / PARULLE / CANTI
Quantu n’avemu ad avà
Spirenzi à corpu in sù
E sonnii à strascinà
Chì ni farmarà più
Di l’idea la noscia?
Erami pronti à viaghjà
Più chè sicuri di
Cunnoscia a virità
Ùn ci n’era altra dì
Par a tarra a noscia
Era tempu à creda
È vuliami veda
Raghjoni è Ghjustizia triunfà
Faciami svintulà
Tanti banderi chì
Pariani invintà
Un tempiu à custudì
Par a lingua a noscia
Vuliamu pona quì
Tanti umani virtù
È imparà ciò chì
Nunsi sapia più
Di la storia la noscia
Era nova la via
Eppur’si cridia
Ch’ùn era cusì longa la strada à fà…
Quali i farà svintulà
tanti banderi chi
vuliani invintà
un tempiu à custudi
par a lingua noscia ?
Quali vurrà pona qui
Tanti umani virtu
e rinuvà cio chi
Oghji nun si sa piu
Di a storia noscia?
Sarà nova la via
ma quali s’impignaria
In una strada cusi longa à fà ?
Tuttu ormai qui
hé da rinuvà
a storia cusi
Un devi firmà
Semu d’issa lingua sbandita
ch’un voli piu sta zitta
chi ci voli parlà
Semu d’issa tarra culpita
chi ci da suchju è vita
chi ci faci campà
semu issa storia pruibita
ch’in li libri un hé scritta
chi si voli cuntà
Semu d’iss idea tradita
l’avemu rinvivita
a vulemu purtà
semu a lingua sbandita
semu a tarra culpita
semu a storia rinova
e l’idea ritrova.
No comments yet