LYRIC / PARODDI / PARULLE / CANTI
Corre digià in la mio mente
Trè parullucce fatte sumente
Chì sbucceranu nant’à l’avvene
E stanceranu tutte le pene.
Lingua cultura è libertà
Per a mio terra per a mio terra
Lingua cultura è libertà
Per a mio terra vogliu sperà.
Campa digià in lu mio core
L’amore schjettu chì à tutt’ore
Mi sussureghja quind’è quallà
Veni incù mè t’invitu à cantà.
Lingua cultura è libertà
Per a mio terra per a mio terra
Lingua cultura è libertà
Per a mio terra vogliu cantà.
Scrivu digià nant’un fogliu biancu
’ssè trè parolle fianc’à fiancu
Chì chjamanu à la riscossa
L’anima fiera l’anima corsa.
Lingua cultura è libertà
Per a mio terra per a mio terra
Lingua cultura è libertà
Per a mio terra vogliu salvà.
Lingua cultura è libertà
Per a mio terra per a mio terra
Lingua cultura è libertà
Vogliu sperà, cantà è salvà.
La, la, la, la …
No comments yet