LYRIC / PARODDI / PARULLE / CANTI

L’ochji fissi nant’e stelle
Sere di malincunia
Sentu mille riturnelle
È cant’in pulifunia
Stonde, stonde dolce di tante veghje
Sonniu amaru chì si sparghje… Pensu à tè…

Caru fratellu nant’à to strada
L’amore hai suminatu
Ma a morte sort’ingrata
A vint’anni t’hà chjamatu
Ferita maiò chì crepa lu core
Surisi è ricordi sò fatti dulore… Pensu à tè…

U to paisolu di Sant’Andria
Ùn cunnosce più lu veranu
È l’usciu chjosu à l’allegria
Ti pienghje lu paisanu
Lacrime ascose, lacrime di rivolta
Chì sbucceranu più d’una volta… Pensu à tè…

Scorse sò parechj’annate
Cù mille gioie è mille pene
Ma oghje sempre le to risate
Mi bazzigheghjanu nant’e scene
Tandu a mio mente s’infiara è s’incirlisce
Po’ti rivecu, a notte ceca si schjarisce… Pensu à tè…

L’ochji fissi nant’e stelle
Sere di malincunia
Si tacenu e riturnelle
È i cant’in pulifunia
Ma u to ricordu,o Paulu firmerà
In lu mio esse, per l’eternità.
Pensu à tè, pensu à tè, pensu… à tè…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *