LYRIC / PARODDI / PARULLE / CANTI

Mi designate in dernu
Quandu morgu in a folla
Piatta in a prumessa frolla
Di un dumane fraternu

Mi cantate à strappavoce
Da sfugà doli è ferite
Mischjata à tante lite
Chì vi mettenu in croce

Ùn aghju nisunu culore
È più pocu religione
Campu solu à cundizione
Di un cumunu amore
Quandu più ùn si discorre
Ma s’intrattene l’unione

Mi bramate à palesu
Per un mondu più felice
Pruclamata fendu nice
Chì u male s’hè arresu

Mi pregate per dumane
Cum’è un’ultima sperenza
Mugata da l’ignurenza
Di e pazzie umane…

Ùn aghju nisunu culore
È più pocu religione
Campu solu à cundizione
Di un cumunu amore
Quandu più ùn si discorre
Ma s’intrattene l’unione

Ùn aghju nisunu culore
È più pocu religione
Campu solu à cundizione
Di un cumunu amore
Quandu più ùn si discorre
Ma s’intrattene l’unione

G.F. Terrazzoni
F. Santucci – J.D. Bianco


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *