LYRIC / PARODDI / PARULLE / CANTI

Da l’antichi cavalcati
D’una ricerca di l’oru
A paisaghji scurdati
Quandu lu soli si mori
I culori imbalsamati
Chì rallegranu lu cori

Fussi tù sacru caminu
Di l’idei è di li mossi
Muntagnosu o marinu
Una stradedda à scossi
Pà tuccà locu divinu
Dop’a viaghji cummossi

Orizonti chì sà,
Una storia à cuntà
Milli passi à baddà
Sin’à l’aldilà

Luminosa hè la saetta
Chì cunvia li to canti
À quiddu chì s’avvicina
Di la to ombra l’incanti
Ùn scuntrarà la magia
Ch’inghjinnò quiddi calanchi

Forsa l’arcanu di l’onda
Chì principia ogni matina
Si ni stà senza risponda
Quandu lu ghjornu si chjina
In gir’à a pianeta tonda
U vial’hè senza fina

Orizonti chì sà,
Una storia à cuntà
Milli passi à baddà
Sin’à l’aldilà
Orizonti chì và
Stedda à seguità
Cridanza à sunnià
Dumani à invità

Simon’Paulu Ferrandi


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.