Ochju Signatu…
Ditu mignulellu, Sentu
L’oliu chì scandella quentu,
Si scioglie, l’onda hè chjara
Ma turnà vole a fiara
Da tant’invidia lampata
U male ci vol’à scugnurà
A mo prighera sgucciata
Cù sennu l’ochju signarà
Cùppula matre ripiena
D’acqua è d’oliu divinu
Spechj’ind’è sta luna piena
Lume di u sole vicinu…
Un chjerchju innuratu volta
Ingiratu d’acqua, Varda
È vecu avale curata
A criatura appaciata
Un chjerchju innuratu volta
Ingiratu d’acqua, Varda
È vecu avale curata
A criatura appaciata