LYRIC / PARODDI / PARULLE / CANTI

Chì alba fù chì alba era
Una nazione o una guerra
Chì fù stu maghju veranu neru
A sanguiniccia sott’a bandera

À mezu à lagni eppò sciagura
Cusì sò natu in terra sdrutta
Da la putenza senza primura
Privu di noi di u nostru fruttu

O Generale o patria disfatta d’ùn avè
A forza è l’arme di un indegnu vulè
Cun Ponte Novu aghju vint’anni
È u so frombu mi sarà
O Generale avà un dolu è un spirà

Cù la cuscenza è lu tramannu
Contr’à i sbiri è lu guvernu
U vogliu palisà l’ingannu
Chì misse u populu à caternu

A verità a vogliu scrive
Datemi capu o gran’Pasquale
Da fallu degnu è fallu vive
Di tutti i corsi l’ideale

O Generale o patria rapita in lu vulè
Dà forza à l’arme di lumi è di sapè
Cun Ponte Novu aghju vint’anni
È u so cantu mi darà
O Generale avà un scopu è un campà

Ne vogliu esse O Generale
Di u putere la contraparte
Di u rinnovu lu mutale
Napuleone Bonaparte

Voce Ventu / A. Di Meglio / F. Poggi


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.