1

Nanna

Nanna nanna nannannella
Da fà i ghjorni sereni
Pè u ciucciu u piulellu
U tesoru chi ci vene.

Nanna nanna nannannella
Pe u to corpu dulcezza
U muscu di a to pella Bis
Chi a mio manu carezza.
Nanna nanna nannannella
Da cancella i frastorni
Aspittendu ch’ellu sbucci
U sicretu di li ghjorni.

Nanna nanna nannannella
Pè tutti i mio viaghji
E lu mondu di dumane Bis
Induve ti purteraghju.

Eppò nanna nannannella
Per tuttu ciò ch’hè in cumunu
A sti paisoli cari Bis
Chi l’eternita affuna.
Nanna nanna nannannella …

Dede Nobili \ Ghjuvan’Michele Armani
Chjami Aghjalesi.