1

Mare

Marosu è d’oliu m’insignasti à vugà
Chjaru o nebbiosu mi festi sunnià
Mari turchini andavamu à ghjirà
Fu lu destinu pè scopre l’aldilà

Sottu u to mondu vola in l’eternità
Guallà in lu fondu ventu n’ùn soffierà
Tanti viaghji si sò messi à cuntà
I paisaghji di a nostra umanità

L’anima toia di richezza ci dà
Quandu chè a noia sai chì ci vole à fà
U focu ardente a sera pè cantà
Un altra mente chì me ferà scurdà

Cù le to onde à namurighjà
Basgià le stonde pè li monti scappà
Piantà una stonda tempu di suspirà
Fà una ronda bramosu di vultà

Marosu è d’oliu m’insignasti à vugà
Chjaru o nebbiosu mi festi sunnià
Mari turchini andavamu à ghjirà
Fu lu destinu pè scopre l’aldilà

Sottu u to mondu vola in l’eternità
Guallà in lu fondu ventu n’ùn soffierà
Tanti viaghji si sò messi à cuntà
I paisaghji di a nostra umanità