LYRIC / PARODDI / PARULLE / CANTI

À l’ascosu di u mare, si scopre una citadella
Inturniata da le torre, quelle mute sintinelle
Cume eterne vardiane, sempre arritte è ribelle
Radica di la mio vita, la mio cara Cursichella
U to sguardu tuccherà, una stantara arcana
Capraia ella si chjama, testimonia marturiata
D’ogni feroce battaglia, di a so storia calpighjata
Ma s’inalza alta è fiera, cun un visu di guerriera
Ne sò le quattru surelle, arradicate à lu mare
Sò meravigliose gemme, cum’è elle ùn ci hè la para
Traierà l’isula d’Elba, d’un prufume dilicatu
Purtatu da quella ambata, una carezza innuchjata
Mi fendu innamurà, di a to belezza incantata
Si la richezza sicreta, un accintu infantimatu
Sì pittura à l’orizonte, quellu scogliu sbandunatu
Sta furtezza sminicata, chì strapiomba la marina
Sta muntagna luminosa, splendurente da regina
Monte Cristu hè lu so nome, un locu santu è sacratu
Ne sò le quattru surelle, arradicate à lu mare
Sò meravigliose gemme, cum’è elle ùn ci hè la para
Ne sò le quattru isulelle, quattru eterne sintinelle
Meravigliose arcipelle, di u mare e figliulelle

F. Angeleri
J.L. Massey


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.