LYRIC / PARODDI / PARULLE / CANTI

Da elli ghjunghje lu male
A prisgiò, a schjavitù
A ferita d’una ghjuventù
Un eterna forza difficiule a scumbatte

Da voi esce a paura
A paura di vule fà
Di sceglie u so campà
Ùn purtate che bughjura

Da me esce qualcosa
Una voglia di capì
Ch’ùn si pò campà cusì
Cume una ghjumente nervosa

Da tè esce la vuluntà
Di scumbatte issu male
Voli chi dopu a lu tempurale
Ghjunghji u megliu stà

Da ella esce la verità
Quella tantu scumbattuta
Quella ch’ùn pò esse spartuta
Ella ghje a libertà

Da noi escerà la vittoria
A vittoria d’un amore
Chì sbuccià cume un fiore
Chì cresce in libertà, è ind’a gioia

Da noi escerà la vittoria
A vittoria che noi vulemu
E dumane camperemu
In libertà è ind’à gioia.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.