LYRIC / PARODDI / PARULLE / CANTI
A toi Ghjuvan’Santu, à toi Francescu.
Au mois d’août 1917, l’ignoble barbarie a fait de vous deux matricules supplémentaires à jeter en pâture à la comptabilité de l’histoire.
La terre où vous dormez porte le nom de « Chemin des Dames ».
Reposez en paix.
Vecu un pratu sott’à lu sole
E tanti panni tesi nantu
Un acellu piglia lu so volu
E n’aghju u mio core frantu.
Culà l’ochji spenti miola sunieghja
Culà u mio estru corre è a fideghja
Culà ci s’hè firmata la mio vita.
Vecu pagliaghju fumichendu
Compulu à l’ora di la munta
E la mio memoria s’accende
Per u pizzacciu di pane untu.
Culà Francesc’Antone zappa l’ortu
Culà vecu ballà è barche in portu
Culà ci s’hè firmata la mio vita.
Vecu una scola è un tavulone
Sentu mughjà mille zitelli
E di babbone tante canzone
Mi danu lu fretu à la pella.
Culà fasgianu trascina duie legne
Culà sentu lu mio paese pienghje
Culà ci s’hè firmata la mio vita.
Vecu una ghjesgia sott’a l’invernu
Dui tizzoni è un casgile
A piaghja cutrata è inferma
Chi aspetta lu mese d’aprile.
Culà sentu u ventu frà i pini
Culà di roccu sentu u viulinu
Culà ci s’hè firmata la mio vita.
Vecu un chjarasgione fiuritu
E sentu fiscà i pastori
E tanti mumenti felici
L’aghju inchjudati in lu mio core.
Culà vecu a neve per i chjassi
Culà sempre voltenu i mio passi
Culà ci s’hè firmata la mio vita.
Libera me Domine, de morte aeterna…
Dede Nobili \ Paulu Felice Nasica
Chjami Aghjalesi
No comments yet