LYRIC / PARODDI / PARULLE / CANTI

Sò for di strada per tutta la mio vita
Soca ne era tracciatu la me sorte
Di campà solu per la machja fiurita
È cundannatu à fà la malamorte :
Per me la pace hè per sempre finita     Bis
Induve passu mi chjodenu la porte.

Di li gendarmi ne facciu una risia
Ancu per esse un grossu battaglione
U più ch’e temu hè piuttostu la spia
Chì corre appressu à lu dettu taglione
Ma s’ella manca è ch’e salvu ne sia     Bis
Sarà l’esempiu di tuttu lu rughjone

A zitellina ùn sò s’è mi rammentu
È l’alegria hè fughjita luntanu
Per fà la piazza à stu lungu turmentu
Chì eu ne passu dà lu monte à lu pianu
Cusì espostu à qualchi tradimentu     Bis
D’un falsu amicu chì mi porghje la manu.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *