1

L’Alcudina

Principià vogliu à lodare
U san petru è Veraculongu
Po ci hè Nebbiu cù la trova
U fraulettu à fà la prova.

Funtana di terminelli
U terminu da faccia al Pianu
Teppa Ritta fù chjamata
O da quel terminu vicinu.

Sottu quel toppe di prati
Sguizzanu tanti roscelli
Sottu son pesci sarrati
E sopra pascinu l’agnelli
Li cavalli è li ghjumenti
E li boia cù li vitelli.

O passendu par li Croci
U Cavallari è Pallaiolu
Sentu una sampugna rara
Chi facianu tanti caroli.

L’Alcudina chjama è invita
O di l’altezza nun ci hè la para
Guarda la Corsica unita
O quantu giranu terra è mari
E po guarda à Magior Segnu
E parte assai de la Sardegna.