LYRIC / PARODDI / PARULLE / CANTI

Acqua di la mio funtana,
Oghje quì, dopu luntana,
Sì sempre pronta à scappà
Chì lu to nome hè libertà.
Acqua pura corri, corri,
Disceta li nostri cori,
Un ti ponu impriggiunà
Chì lu to nome hè libertà.

Acqua sì nata tuttu in cima,
E pò la rena s’avvicina,
Dalli a forza di luttà
Chì lu to nome hè libertà.

Fiume chì mori goccia à goccia,
U to sangue ci da l’angoscia,
Ma ci face arricurdà
Chì lu to nome hè libertà.

Acqua di la mio muntagna,
Hai u core chì si lagna,
Sì sempre pronta à scuppià
Chì lu to nome hè libertà.

Acquaccia di Cuntinente,
Torbia pagna eppò chì sente,
Ti sì venduta à un rè
Chì t’hà imbruttata à piacè.

Acquuccia di u bainu,
Quandu mi sì avvicinu
Ti vurrebbi assumiglià
A tè chì ti chjami libertà.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.