LYRIC / PARODDI / PARULLE / CANTI

In cori à u tramontu aiaccinu
S’intreccianu i voci laziosi
So tanti ghjuvanotti primurosi
In intunà in giru à u tavulinu
Da l’alta strada à u cobre chilenu
Da u populu vivu à a muralla
Semu fratelli di listessa vaglia
D’eterni lotti arradicati in senu

A l’ottu cantermu sin’à l’alba
Da fà ch’ella ribomba in li monti quassù
Un armata di voci ghjuventù
Un armata di voci ghjuventù

Mai più chjosi à mezu à quatru muri
Avemu tutti un paesi da fà
Una pagina à scriva un sunnià
Ci sianu in favori l’auguri
A varcà monti, fiuminali è piani
Ci guidarà a madre universali
Nantu à i chjassi di un ideali
Pà custrui in paci un dumani

A l’ottu cantermu sin’à l’alba
Da fà ch’ella ribomba in li monti quassù
Un armata di voci ghjuventù
Un armata di voci ghjuventù

Dumenicu Barrazza


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.