LYRIC / PARODDI / PARULLE / CANTI

In i to ochji, ci hè scrittu un mondu
A via chjara da piglià pianu
In i to ochji, a mo culomba
Ci hè l’universu à inventà

Da inventà culombulella
Per ghjucà pianu cù l’acelli
E per fà ride e ritournelle
Di li cavalli è di l’agnelli

In i to ochji, hè natu un mondu
Ci hè l’universu di e mo brame
In i to ochji, a mo funtana
Ci hè u marosu chì si calma

Si calma chì tù canti pianu
Per u sempre è lu long’andà
E per lu vechju è lu figlianu
Quelli d’un populu sempre à fà

Eu cantu per tè è tu parli cù mè
U silenziu chi ci tene
E tu canti per mè è eu parlu cun tè
U silenziu face leia

In i to ochji, ci hè a mo lotta
Lesiuccia mea a mo bandera
Tessuta pianu di monti è machja
Ci hè a to terra da inventà

Da inventà Lesiuccia mea
Per andà pianu à l’aldilà
è per fà cresce a lotta mea
Di a to terra à suminà

Da inventà culombulella
Per andà pianu à l’aldilà
è per fà cresce a lotta mea
Di a to terra à inventà

La la …
La la …


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *