1

Houdini

Chjamatemi Houdini
E liatemi pedi è mani
Po lampatemi in mare

Nant’à lu vostru gaglione
Induve site mansi è zitti
Rimbarcheraghju à mughjavvi

Cappiate l’amaru è pisate e vele !

Stringhjitemi camisgiole
E sciuttatemi in fondu di e cale
Truveraghju soluzioni

Rigalatemi à i pesci
Aghju u sangue avvelenatu
Rimbarcheraghju à cantavvi

Pigliate l’amore è pisate e vele !

Nant’à u battellu Annoiu
Trapulitu da i galeriani
Indifferente à u ventu

U puverettu Houdini
Chì mughjava è chì cantava
Nant’à u ponte, l’anu impiccatu

Si sò sbagliati di fune, si sò pisate e vele !

Pierre Gambini