LYRIC / PARODDI / PARULLE / CANTI

Centu milla guerrieri anu francatu la bocca
Tutti vestuti di lume cun trumbett’è cun tamburi
Facenu trimà a terra chi seranu l’auguri ?
Centu milla guerrieri anu francatu la bocca.

Fissanu un puntu luntanu, a vittoria chi s’avvicina
U nemicu soffrerà sterperanu u so locu
Pè di qual’hè u maestru, diceranu cù u focu
Fissanu un puntu luntanu, a vittoria chi s’avvicina.

Ma daretu à l’armata l’ultimu hà passu stancu
Carcu à sudor’è sangue trascina la so miseria
Luntanu damanzu à ellu ci hè a musica guerriera
Ma daretu à l’armata l’ultimu hà passu stancu.

Lu so cantu hè di silenziu è la so paroll’hè muta
Pensa à ciò chi ùn hè più per ùn sente ogni sassu
Di stu caminu di croce chi ormai hè lu so chjassu
Lu so cantu hè di silenziu è la so paroll’hè muta.

Ma sintite la mio voce, sintite la mio canzona Bis
Per l’ultima umanità è per l’ultimu suldatu
Li so guai lu so sangue, u so passu trascinatu
Hè per ellu, ellu solu ch’eu cantu sta canzona.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.