LYRIC / PARODDI / PARULLE / CANTI
Giuventù corsa, or femuci curagiu
Cù la pacenzia, un ghjornu vinarà
In Cursichella, un nostru fuculaghju,
Bandera bianca, feremu sventura …
E quissu Regnu, regnu di i Sarracini,
D’issa manera, ùn si pò più campà …
Per Cursichella, ùn ci hè mai chè spini …
E per quilli altri, ci hè fiori in quantità …
Siamu uniti incù listessu ardore
Per la vittoria ch’avemu d’acquistà
E cumbattimu cù l’anticu furore
Per la salvezza di a nostra Libertà …
S’è simu uniti, feremu gran’suspresa,
A Marianna chi ùn la cridarà,
Aiò ! furmemu quella lega cirnese,
Sinnò si more è nimu ne hà pietà …
Di fà li servi, hè cosa chi ci stanca,
Per noi sempre di Caribbe in Silla,
Or ripigliemu quella bandera bianca
U veru cennu di a nostra Libertà …
Siamu uniti incù listessu ardore Bis
Per la vittoria ch’avemu d’acquistà
E cumbattimu cù l’anticu furore
Per la salvezza di a nostra Libertà …
No comments yet