LYRIC / PARODDI / PARULLE / CANTI

Canteremu stasera per a squadra turchina,
Reduceremu inseme l’avversità in pulvina,
O capi d’Auropa è di Francia vicina
D’Orlanducci è di Papi, eccu a figliulina.

Quale hè ch’ùn hà sunniatu d’issa tamanta gioia
Purtà li to culori sarìa grande gloria ;
Adduniti stasera, si scrive la to storia,
Millaie quì seremu per brammà la vittoria.

Ripigliu :
Forza turchini, forza Bastìa
Ti seguita u mio core induve chè tù sìa
Forza Bastìa.

Brusgia lu nostru sangue d’issu tamantu focu
Chì ci hà guidatu quì, tutti in listessu locu,
Saetta è tempurale impurteranu pocu,
Ùn ti scurdà quantunque di dacci bellu ghjocu.

Ch’ellu nasci ‘ssu mughju da noi u più prufondu,
Caccia puru ‘ssu pezzu di coghju tuttu tondu
A Còrsica ti guarda, s’infiara lu circondu,
Chì Furiani stasera hà da stunà lu Mondu !


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *